Жүктер мен жөнелтімдерді сақтандыру

2021 жылғы 1 қаңтардан бастап Яндекс.Таксидің "Жүк", "Жеткізу" және "Курьер" тарифтері бойынша тасымалданатын жүктер мен жөнелтімдер 3 000 000 ₸ сомаға сақтандырылған.

"Жүк", "Жеткізу" және "Курьер" тарифтері бойынша тасымалдауларды сақтандыру қалай жұмыс істейді?

Сіздің мүлікті сақтандыру жүргізуші немесе курьер сізге келген сәтте (Келдім пернесін басқан кезде) әрекет етуін бастайды және тасымалдау біткеннен немесе жеткізгеннен кейін аяқталады (жүргізуші немесе курьер Аяқтау пернесін басқан кезде). Егер жолаушы тапсырыстан бас тартса, сақтандыру әрекет етуін тоқтатады.

Егер сіз Яндекс Go қолданбасы арқылы "Жүк" тарифі бойынша жүкшілері бар машинаға тапсырыс берсеңіз, онда сақтандыру жүкті тиеу және жүкті түсіру кезеңіне таралады.

"Жүк" тарифі бойынша жүктерді тасымалдауды Яндекс.Такси серіктестері тек сіздің сүйемелдеуіңізбен ғана көлік құралын жалдау келісімшартының негізінде жүргізеді.

Сақтандыруға не кіреді

Сақтандыру жүктің немесе жөнелтімнің бүлінуін, жоғалуын немесе бұзылуын өтейді. Сақтандыру жүктің барлық түріне бірақ таралмайды.

Сақтандырылмайды:
  1. "Жеткізу" тарифі бойынша ең үлкен салмағы 20 кг асатын және "Жүк" тарифі бойынша 50 кг асатын жүктер немесе жөнелтімдер.
  2. Өлшемдеріне байланысты тасымалдауға келмейтін, сәйкесінше автокөлік құралына сыймайтын жүктер немесе жөнелтімдер, сәйкесінше жүкті "Жеткізу" тарифі және "Жүк" тарифі бойынша "В" санатты автокөліктен басқа көліктің басқа түрімен тасымалданатын жүк және (немесе) жөнелтім және (немесе) хат-хабар.
  3. Есірткілік, психотроптық, жарылғыш, оңай тұтанатын және басқа (фейерверктер және пиротехника) қауіпті заттар.
  4. Жануарлар.
  5. Құндылықтар және ақша: ақшалай белгілер, құнды қағаздар, бағалы металлдар, тастар және зергерлік бұйымдар.
  6. Биологиялық материалдар.
  7. Көркемөнер құндылықтары.
  8. Зияткерлік меншік нысандары, сондай-ақ фото, аудио- және видеоматериалдар.
  9. Жүзгіш заттар, автокөліктер.
  10. Дербес қаптамасы жоқ үйінді, құлатқыш және құйылмалы жүктер.
  11. Арнайы қаптамасы жоқ әйнек және фарфор бұйымдары.
  12. Қару және әскери мақсаттағы жүктер.
  13. Басқа тасымалдау құралына қайта тиеу (автокөлік құралы).
  14. Қажетті (арнайы) температуралық режимді кез келген себеппен сақтамау немесе бұзу салдарынан жүк немесе жөнелтімді бүлдіру, бұзу.

Бір сақтандыру жағдайы бойынша барлық сақтандыру төлемдерінің сомасы 3 000 000 ₸ аспайды.

Бұл қанша тұрады

Сақтандыру тегін.

Сақтандыруды қалай қосуға болады

Сақтандыру Яндекс.Такси сервисінің көмегімен Қазақстанда "Жүк", "Жеткізу" және "Курьер" тарифтері бойынша жасалған барлық тапсырыстарға қосылған.

Өтемақы қандай жағдайда төленеді

  1. Жүкті немесе жөнелтімді тасымалдау кезінде жол-көлік апаты орын алып, ол мүліктің бүлінуіне алып келді.
  2. Жүкті немесе жөнелтімді тасымалдау кезінде жеткілікті қаптама болса да, жүк жылжып кету нәтижесінде бүлінді.
  3. Жүк тиеу немесе түсіру кезінде жүкшінің кінәсінен Яндекс.Такси сервисінің көмегімен осы опцияға "Жүк" тарифімен тапсырыс берілген жағдайда бүлінді.
  4. Жөнелтімді "Жеткізу" немесе "Курьер" тарифі бойынша Яндекс.Такси серіктесі жеткізу кезінде жөнелтім жоғалып қалды (жетпей қалды) немесе бүлініп қалды.

Төлемді қалай алуға болады

  1. Бізге жазып, не болғаны туралы айтып беріңіз, фотосуреттерді қоса жіберіңіз. Біз сізге кеңес беріп, сіздің өтінішіңізді сақтандыру компаниясына жібереміз.
  2. Егер заттың бүлінуі жол-көлік апаты кезінде орын алса, жол полициясы бөлімшесінде жол-көлік апатын талқылауға қатысып, әкімшілік құқықбұзушылық туралы іс бойынша ресми қаулы алыңыз.
  3. Сақтандыру компаниясының қызметкерлері сізге хабарласып, өтемақыны алуға арналған құжаттардың нақты тізімін береді.
  4. Құжаттарды алғаннан кейін 2 апта ішінде сақтандыру компаниясы сіздің сақтандыру жағдайыңыз бойынша шешім қабылдап, банктік шотқа ақша аударады.

Төлемді алу үшін қажетті құжаттар тізімі

Құжаттардың нақты тізімін сізге сақтандыру компаниясы береді.

Көптеген жағдайларда төлемді алу үшін сізге төмендегі құжаттар қажет болады:

  • Сақтандыру өтемақысын төлеу туралы өтініш
  • Мүлігіне зақым келтірілген тұлғаның шағымы
  • Жол-көлік оқиғасы туралы құжат
  • Жүк бүліністерінің фотосуреттері

Толықтай шарттармен сақтандыру компаниясының ережелерінен танысып білуге болады.

Бұл ескертпе жария оферта болып табылмайды. Егер сізде сақтандыру бағдарламасы бойынша сұрақтар қалса, қолдау көрсету қызметіне жүгініңіз.

Корпоративтік тапсырыстарды сақтандыру туралы ақпарат алу үшін kz@taxi.yandex.com поштасына хабарласыңыз.